Air Algerie ushaǵy Nıger astanasynyń mańynda qulady
ASTANA. QazAqparat - Radardan joǵalyp ketken Air Algerie avıakompanııasynyń ushaǵy aldyn ala boljamdarǵa qaraǵanda, Nıger astanasy - Nıameı qalasynyń mańynda qulaǵan. Bul týraly óziniń tvıtter paraqshasynda CCTVNews habarlaıdy.
DC-9 avıvalaınerimen baılanys Býrkıno-Faso astanasynan ushyp shyqqannan keıin 50 mınýttan keıin úzilgen.
«Aljırden Bamakoǵa ushqan ushaq basqa ushaqtarmen soqtyǵysyp qalmaý úshin kórinimniń nasharlyǵynan ekıpaj baǵytty ózgertýge ótinish jasaǵan. Ol baǵytyn ózgertkennen keıin avıalaınermen baılanys úzilgen», dep Agence France-Presse Air Algeria kompanııasy derekkóziniń sózderin keltirgen.
Ushaq Ýagadýgý - Aljır reısimen ushqan. Onyń bortynda keminde 100 jolaýshy men alty ekıpaj múshesi bolǵan.
Reuters aqparatyna qaraǵanda, avıalaınerge 135 jolaýshy sııady. Ýagadýgý-den Ajırgen AH5017a avıalaıneri aptasyna tórt ret ushady.
Aljırde qazirdiń ózinde qaıǵyly oqıǵanyń mán-jaıyn tekseretin daǵdarysa ortalyǵy quryldy.
Budan buryn «Aır Aldjırıa» áýe kompanııasynyń ókilderi ózderine tıesili jolaýshylar laıneriniń birimen baılanysqa túse almaı otyrǵanyn habarlaǵan bolatyn. .
Býrkın-Faso elinen Aljırge qaraı baǵyt alǵan jolaýshylar ushaǵynyń birimen baılanys úzilip qalǵan. «Aır Aldjırıa» áýe kompanııasynyń ókilderi qazirgi sátte laıner ekpıpajymen esh baılanys ornata almaı otyr, dep habarlaıdy sheteldik BAQ.
