«AIK» - «Astana» matchynyń bılet baǵasy 27 myń teńgege deıin bardy
ASTANA. QazAqparat - Shvetsııanyń «AIK» klýby Eýropa lıgasynyń úshinshi biliktilik raýndynyń óz alańynda ótetin oıynyna bıletter sata bastady. Stokgolmda ótetin kezdesýde bul komanda elordanyń «Astana» fýtbol klýbyna qarsy oınaıdy, dep habarlady sports.kz.
Kezdesýge satylyp jatqan bıletterdiń basym bóligi 150 shved kronyna teń, ulttyq valıýtamyzǵa shaqqanda 4050 teńge. Stadıonnyń soltústik trıbýnasyndaǵy turyp tamashalaıtyn oryndarǵa bılettiń baǵasy 100 kronǵa nemese 2700 teńgege teń. Al otyratyn oryndar baǵasy 150 krondy quraıdy. 16 jasqa deıingi balalar men zeınetkerler eýrokýboktyń bul matchyn nebári 20 kronǵa nemese 540 teńgege tamashalaı alady.
Friends Arena stadıonynyń shyǵys trıbýnasyndaǵy joǵary qabattar 450 kron nemese 12150 teńge turady. Al bıznes sanaty oryndaryndaǵy eń qymbat bılet 995 krondy nemese 26865 teńgeni quraıdy. Jalpy bıletter 540-tan 26865 teńge deıingi aralyqta satylýda.
