AIIB AQSh dollarymen ǵana nesıelendiredi
ASTANA. QazAqparat - Azııalyq ınfraqurylymdyq ınvestıtsııalar banki (AIIB) túrli valıýtada kapıtal tarta alady, degenmen amerıkalyq dollarda ǵana nesıelendiredi, dedi Bank prezıdenti Tszın Lıtsıýn jeksenbi kúni bolǵan baspasóz máslıhatynda.
«Halyqaralyq qarjy júıesin esepke ala otyryp, biz jumys tili retinde aǵylshyn tilin, al ınstıtýt valıýtasy retinde AQSh dollaryn paıdalanamyz. Halyqaralyq naryqtan kapıtal tartý úshin dollar, eýro, ıýan jáne ózge de valıýtalarda da ınvestıtsııa tartýǵa bolady», - dedi Tszın Lıtsıýn.
«Biz AQSh dollarymen ǵana nesıelendiremiz», - dedi Bank prezıdenti.
Senbi kúni Beıjińde Qytaı Halyq Respýblıkasynyń tóraǵasy Sı Tszınpınniń tóraǵalyǵymen Azııalyq ınfraqurylymdyq ınvestıtsııalar bankiniń 57 quryltaıshy eli ókilderiniń qatysýymen AIIB-tyń ashylý rásimi ótti. Bank prezıdenti bolyp, QHR-dyń Qarjy mınıstriniń burynǵy orynbasary Tszın Lıtsıýn saılandy.
