AIF: 2029 jylǵa qaraı kórsetiletin memlekettik qyzmetterdiń 20 paıyzyn JI súıemeldeıdi

ASTANA. KAZINFORM — Ulttyq ekonomıka mınıstriniń orynbasary Jandos Shaımardanov Astana halyqaralyq forýmynda Qazaqstanda jasandy ıntellektini memlekettik basqarý salasyna paıdalaný qaı deńgeıde ekenin aıtty. 

— Qazaqstan — óz aımaǵyndaǵy jasandy ıntellektini damytýdyń strategııasy bar azdaǵan memlekettiń biri. Ol strategııanyń ishinde memlekettik basqarý salasyna da jasandy ıntellektini engizý josparymyz bar. Bul jerde bizdiń ambıtsııamyz bıýrokratııany jasandy ıntellektiniń qolyna tapsyrýmen shektelmeıdi. Halyq pen memlekettiń baılanysyn jasandy ıntellekt arqyly jetildirýdi kózdep otyrmyz, — dedi ol.

Vıtse-mınıstr bul iste Ekonomıkalyq yntymaqtastyq pen damý uıymy kórsetip otyrǵan qoldaýdyń mańyzdy ekenin apat ótti.

— 2029 jylǵa deıin memlekettik qyzmetterdiń 20 paıyzyn jasandy ıntellekt súıemeldeıtin bolady. Osy maqsatpen Smart Data Ukimet platformasyn iske qostyq. Bul platformada 100-ge jýyq derekter bazasyn bir jerge shoǵyrlandyrǵan. Bul iske de jasandy ıntellektini jegip otyrmyz, — dedi Jandos Shaımardanov.

Aıta keteıik, elordada kesheden beri Astana halyqaralyq forýmy ótip jatyr. 

Forýmǵa 7 000-nan astam qatysýshy tirkelgen. Eýropa, Ortalyq Azııa, Taıaý Shyǵys pen Afrıka elinen BUU, AAU, HKU jáne DZMU sııaqty jetekshi halyqaralyq uıymdardyń atynan 160-tan astam spıker shaqyrylǵan. Eki kún boıy olar túrli salanyń sarapshylarymen birlesip, memleketaralyq yntymaqtastyq modelin, jańa jahandyq áriptestik qurýdyń keleshegin talqylaıdy.