Aıda Satybaldınova alǵashqy jeńilisiniń sebebin túsindirdi
ASTANA. QazAqparat - Búgin tańerteń Tehas shtaty Korpýs-Krıstı qalasynda qazaqstandyq Aıda Satybaldınova (3-1-1) tórtinshi raýndta NABF tujyrymy boıynsha álem chempıony, amerıkalyq Selena Barrıostan (4-0, 2 KO) nokaýtqa túsip, jeńilip qaldy.
«Áıelder arasyndaǵy GGG», «Ledı Sparta» atanǵan Aıda Satybaldınova Sports.kz-ke bergen suhbatynda jeńilisiniń sebebimen bólisti.
«Árıne, renjýlimin. Barlyǵy maǵan aıqastardy jıi ótkizesiń dep aıtyp jatyr. Olardyń aıtqandary durys shyǵar. Aptasyna jeti kún jattyqpaı, aǵzany keıde qalpyna keltirý úshin ýaqyt berip otyrý kerek. Densaýlyǵym jaqsy. Bul meniń alańǵasarlyǵym. Ózim kinálimin», - dedi sportshy.
