Aıda Balaevanyń kópbalaly jáne jas otbasylarmen kezdesti

NUR-SULTAN. QazAqparat - 10 qyrkúıekte Qazaqstandaǵy Otbasy kúnine oraı QR Aqparat jáne qoǵamdyq damý mınıstri Aıda Balaevanyń kópbalaly jáne jas otbasylarmen kezdesýi ótti, dep habarlaıdy vedomstvonyń baspasóz qyzmeti.

Kezdesý barysynda Mınıstr memleket tarapynan otbasy jáne otbasy ınstıtýtyn qoldaý men damytýǵa úlken kóńil bólinetinin atap ótti.
«Otbasy adam ómirinde mańyzdy oryn alady. Barlyq basty qasıetter - Otanǵa, úlkenge jáne jaqyndarǵa qurmet, eńbeksúıgishtik, meıirimdilik, jaýapkershilik otbasynda qalyptasady. Otbasylyq qundylyqtar men dástúrler árqashan bizdiń qoǵamymyz ben mádenıetimizdiń negizi boldy jáne bolyp qala beredi», - dedi A.Balaeva.
Sonymen qatar, Mınıstr kezdesý aıasynda jas otbasylar men kópbalaly áriptesterdi alǵys hattarmen marapattady.