Aıda Balaeva jumys saparymen Shymkentke bardy
ASTANA. KAZINFORM – QR Premer-mınıstriniń orynbasary – Mádenıet jáne aqparat mınıstri Aıda Balaeva Shymkent qalasyna jumys sapary aıasynda shahardyń týrıstik áleýetin saralap, qoǵamdyq keńistikterdiń damý barysymen tanysty. Bul týraly Úkimettiń baspasóz qyzmeti habarlady.
Vıtse-premer sapar barysynda Shymkent tsıtadeline baryp, mýzeı ekspozıtsııalaryn aralady jáne tarıhı-mádenı murany saqtaýdyń mańyzyn atap ótti. Sondaı-aq etnoaýylda bolyp, mundaı nysandardy arhaıkaǵa boı aldyrmaı, zamanaýı, kreatıvti ári ınnovatsııalyq formatta damytý qajettigin aıtty.
Qalalyq mádenıet, gastronomııa jáne kreatıvti ındýstrııa salalaryndaǵy birqatar jobalar tanystyrylǵan Arbat jaıaý júrginshiler alleıasynyń áleýetimen tanysý barysynda Aıda Balaeva osy aýmaqta bos jumys oryndary jónindegi ózekti aqparat pen jastarǵa arnalǵan maýsymdyq kásiptik baǵdar berý materıaldary usynylatyn jumyspen qamtý ortalyǵyn ornalastyrý múmkindigin qarastyrýdy usyndy.
Sonymen qatar kreatıvti ortany damytýǵa, jas talanttardy qoldaýǵa jáne mádenı mura men ınnovatsııalyq tásilder úndesken zamanaýı qalalyq ınfraqurylymdy qalyptastyrýǵa erekshe nazar aýdaryldy.
Aıta keteıik, Shymkentte sýrdo erkin jáne grek-rım kúresinen Qazaqstan kýbogy ótedi.