Aıda Balaeva: Joldaýdyń barlyq baǵyty qoǵamnyń suranysyna jaýap beredi
Naqtyraq aıtqanda iriktelip, rezervke engen jastarmen kezdesýge Aqparat jáne qoǵamdyq damý mınıstri Aıda Balaeva, Tsıfrlyq damý, ınnovatsııalar men aeroǵarysh ónerkásibi mınıstri Baǵdat Mýsın, Prezıdent ákimshiligi basshysynyń orynbasary Málik Myrzalın, sondaı Prezıdenttiń kómekshisi Erlan Qarın shaqyrylǵan. Basqosýdyń basty maqsaty – Prezıdent Joldaýyn talqylap, aldaǵy ýaqytta Prezıdenttik jastar kadrlyq rezervin damytyp, júzege asyrýdy josparlaý.
«Prezıdent Joldaýynyń biregeı sıpaty bar. Sebebi ol qazirgi Qazaqstandy júıeli túrde transformatsııadan ótkizýdiń keshendi sharalarynan turady. Álbette ony tıimdi túrde júzege asyrý úshin memleket pen qoǵam birlese eńbek etýi kerek. Eń bastysy qoǵamǵa Joldaýdyń negizgi aspektilerin, ony iske asyrýdyń naqty josparly sharalaryn jetkize bilgen abzal. Bul baǵytta Joldaýdy túsindirý jumystary qyzý júrgizilip jatqanyn atap ótý kerek», - dedi Aıda Balaeva jastarmen kezdesýi barysynda.
Mınıstrdiń aıtýynsha, ár adamnyń osy keshendi sharalarǵa atsalysýy – Joldaýdy júzege asyrýdyń barynsha sáttiligin kórsetedi.
«10 kúnniń ishinde Joldaýdaǵy talqylaýǵa qatysty qanshama kezdesý men basqosý ótti. Respýblıkalyq jáne aımaqtyq buqaralyq aqparat quraldarynda 5 myńǵa tarta materıal jarııalandy. Sarapshylar Joldaýdyń kóp bóligi buǵan deıingi azamattardyń ótinimderin eskergenin kórsetetinin aıtady. ıAǵnı bul degenimiz «Halyq únine qulaq asatyn memleket» tujyrymdamasynyń jumys istep turǵanyn kórsetedi. Demek qoǵammen ózara tyǵyz qarym-qatynas bar. Memleket halyqtyń únine qulaq asyp otyr. Joldaýdyń 11 baǵyty da qoǵamnyń suranysyna jaýap beredi», - dedi ol.
