Aıda Balaeva jastardyń damýyna qandaı jaǵdaı jasalatynyn aıtty

NUR-SULTAN. QazAqparat – Jastarǵa sapaly jáne qoljetimdi bilim berý, jumysqa ornalastyrý jáne turǵyn úımen qamtamasyz etýge ekpin qoıylady. Bul týraly Ortalyq kommýnıkatsııalar qyzmetinde «Ulttyq rýhanı jańǵyrý» ulttyq jobasynyń maqsatyn túsindirý kezinde QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Úshinshi baǵyt – «Táýelsizdik urpaqtary» dep ataldy jáne elimizdiń jastaryna arnalady. Ózderińiz jaqsy bilesizder, bıyl Táýelsizdiktiń alǵashqy jyldarynda týǵan balalar 29-30 jasqa kelip jatyr. Sóz joq, bul jastar – egemen eldiń tól urpaǵy ǵana emes, bolashaq úmiti, erteńgi ıesi bolyp sanalady. Sondyqtan olardy memlekettik turǵydan qoldap, jaǵdaı jasaý – osy Jobanyń negizgi maqsattarynyń biri. Ol jastardyń rýhanı kemeldenip, kásibı jetilýin kózdeıtin úsh aýqymdy mindetti qamtıdy», - dedi A. Balaeva.

Atap aıtqanda 2025 jylǵa deıin:

- jastardyń bazalyq suranystaryn sheshý. ıAǵnı, sapaly jáne qoljetimdi bilim berý, jumysqa ornalastyrý jáne turǵyn úımen qamtamasyz etý;

- jastardyń jan-jaqty damýyna quqyqtyq jaǵdaılar jasap, rýhanı-adamgershilik jáne otbasylyq qundylyqtarǵa baýlý;

- jastardy qoǵamdyq paıdaly isterge tartyp, básekege qabiletti urpaq tárbıesine jańa múmkindikter ashý.

«Bul máselelerdi sheshý úshin 15 úlken joba qolǵa alynyp, nátıjesinde 8 naqty kórsetkishke jetetin bolamyz», - dedi mınıstr.

Nátıjesinde, keminde 800 myń jas turǵyn úı jınaqtary júıesin paıdalana alady, 1 mln-ǵa jýyq jas qazaqstandyq áleýmettik qyzmettermen qamtamasyz etiledi, 1,5 mln-ǵa jýyq jastar sporttyq jáne ekologııalyq jobalarǵa tartylatyn bolady.

Budan buryn habarlanǵandaı, A.Balaeva «Ulttyq rýhanı jańǵyrý» Ulttyq jobasynyń negizgi maqsatyn aıtty. Ulttyq jobadaǵy ekinshi baǵyt«El Rýhy» dep atalady jáne mádenıet salasynda qyzmetterdiń qoljetimdigin arttyrý boıynsha is-sharalar keshenin qamtıdy. Sonymen qatar mınıstr memlekettik tilge qoǵamnyń suranysy artyp kele jatqanyn atap ótti.