Aıda Balaeva «Jas Alash» gazetiniń 100 jyldyǵymen quttyqtady

NUR-SULTAN. QazAqparat - Búgin Aqparat jáne qoǵamdyq damý mınıstri Aıda Balaeva «Jas Alash» gazeti redaktsııasynyń ujymymen kezdesip, basylymnyń 100 jyldyǵymen quttyqtady. Bul týraly QazAqparat atalmysh vedomostvonyń baspasóz qyzmetine silteme jasap habarlaıdy.

Mınıstr aqparat salasynyń damýyna qosqan eleýli úlesi úshin Qaırat Matrekovty, Almas Núsipti, Seısen Ulyqbek pen Nurymjan Maýytovty «Aqparat salasynyń úzdigi» tósbelgisimen marapattady jáne «Jas Alash» gazetiniń basqa da qyzmetkerlerine qurmet gramotasy men alǵys hattaryn tabystady.

A.Balaeva gazettiń 100 jyldyǵynyń Qazaqstan Táýelsizdiginiń 30 jyldyǵymen tuspa-tus kelýi bul mereıli datany atap ótýge erekshe mán qosatyndyǵyn jetkizdi.

«Jas Alash» qazaq baspasózinde ózindik orny bar, halyq suranysyna ıe shynshyl basylymdardyń biri», — dedi mınıstr.

Іs-shara sońynda Aıda Balaeva basylymnyń barlyq qyzmetkerlerine kásibı jáne shyǵarmashylyq tabystar tiledi.