Aıda Balaeva jańa qyzmetke taǵaıyndaldy
ASTANA. KAZINFORM — Aıda Balaeva QR Qaýipsizdik Keńesi tóraǵasynyń orynbasary boldy. Prezıdent Qasym-Jomart Toqaev tıisti jarlyqqa qol qoıdy, dep habarlaıdy Aqordanyń baspasóz qyzmeti.
— Memleket basshysynyń jarlyǵymen Aıda Ǵalymqyzy Balaeva Qazaqstan Respýblıkasy Qaýipsizdik Keńesi Tóraǵasynyń orynbasary laýazymyna taǵaıyndaldy, — delingen habarlamada.
Bilimi
Abaı atyndaǵy Almaty memlekettik ýnıversıteti (2000)
Orys tili men ádebıeti pániniń muǵalimi
Qazaq ulttyq agrarlyq ýnıversıteti (2007)
Zańger
Eńbek joly
Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy (1999-2002 jj)
Almaty qalalyq aqparat jáne qoǵamdyq kelisim basqarmasy Taldaý jáne qoǵamdyq-saıası úrdisterdi úılestirý bóliminiń bastyǵy (2002-2004 jj)
Almaty qalasy boıynsha aqparat basqarmasy Taldaý jáne boljaý bóliminiń bastyǵy (2004 j)
Almaty qalasy boıynsha aqparat basqarmasy bastyǵynyń orynbasary (2004-2005 jj)
Almaty qalasynnyń ishki saıasat departamenti dırektorynyń orynbasary (2005-2006 jj)
Almaty qalasynyń ishki saıasat departamentiniń dırektory (2006-2008 jj)
Astana qalasynyń ishki saıasat basqarmasynyń bastyǵy (2008-2010 jj)
Astana qalasy ákiminiń orynbasary (2010-2014 jj)
QR Prezıdenti Ákimshiligi Іshki saıasat bóliminiń meńgerýshisi (2014-2019 jj)
QR Prezıdentiniń kómekshisi – QR Prezıdenti Ákimshiligi Ótinishterdi qaraýdy baqylaý bóliminiń meńgerýshisi (2019-2020 jj)
QR Aqparat jáne qoǵamdyq damý mınıstri (2020-2022 jj)
QR Prezıdenti Ákimshiligi basshysynyń orynbasary (2022-2023 jj)
QR Prezıdentiniń Jarlyǵymen QR Mádenıet jáne aqparat mınıstri (2023 jylǵy 2 qyrkúıekten bastap)
QR Premer-mınıstriniń orynbasary – Mádenıet jáne aqparat mınıstri (2025 jylǵy 1 jeltoqsannan qazirgi ýaqytqa deıin)
Marapattary
«Parasat» ordeni (2016)
«Qurmet» ordeni (2010)
«Dostyq» ordeni (Ózbekstan) (2024)
Budan buryn Oljas Bektenov Premer-mınıstr laýazymyna qaıta taǵaıyndalǵanyn jazǵanbyz.
