Aıda Balaeva «Ústirt» nysanynyń qujattamasyn ıÝNESKO-ǵa tapsyrdy

ASTANA. KAZINFORM – Parıj qalasynda QR Mádenıet jáne aqparat mınıstri Aıda Balaeva ıÝNESKO Bas dırektorynyń mádenıet jónindegi orynbasary Ernesto Ottonemen kezdesti.

Kezdesý barysynda mınıstr «Ústirt» aralas mura nysanynyń nomınatsııalyq qujattamasyn resmı túrde tabys etti. Joba Qazaqstan tarapynan Dúnıejúzilik mura ortalyǵyna aldyn ala baǵalaý úshin jáne ıÝNESKO-nyń Dúnıejúzilik muralar tizimine engizý maqsatynda tapsyryldy.

- Atalǵan qujattama Prezıdent Qasym-Jomart Toqaevtyń bastamasymen daıyndaldy. Memleket basshysy elimizdiń biregeı tarıhı-mádenı jáne tabıǵı nysandaryn halyqaralyq deńgeıde nasıhattaý qajettigin birneshe ret atap ótken bolatyn, - dep jazdy vedomstvodan.

Aıta keteıik, aralas mura obektisiniń usynylýy – postkeńestik elder tarıhyndaǵy alǵashqy tájirıbe.

Ústirt – arheologııalyq eskertkishter, dástúrli ańshylyq tuzaqtar-arany jáne tabıǵı tutastyqta úılesken qaıtalanbas mádenı ári tabıǵı landshaft.

ıÝNESKO Bas dırektorynyń mádenıet jónindegi orynbasary Ernesto Ottone Qazaqstannyń halyqaralyq yntymaqtastyqtaǵy belsendi ustanymyna rızashylyǵyn bildirip, usynylǵan bastamanyń asa mańyzdy ekenin atap ótti.

Kezdesý sońynda taraptar ekijaqty yntymaqtastyqty odan ári damytýǵa múddeli ekenin jetkizdi.

Eske salaıyq, buǵan deıin Mańǵystaý jerasty meshitteri ıÝNESKO tizimine engiziletinin jarııaladyq.