Aıda Balaeva úsh qalanyń qoǵamdyq keńes tóraǵalarymen onlaın kezdesti
Kezdesý barysynda qoǵamdyq keńesterge qatysty áleýmettik normalar men erejelerdi bir júıege keltirýdiń ózekti máseleleri qozǵaldy.
«Qoǵamdyq keńester memlekettik organdardyń ashyqtyǵy men udaıy esep berip turýyn qamtamasyz ete otyryp, ınstıtýtsıonaldyq reformany qozǵaýshy kúshke aınala almaı otyrǵany jasyryn emes. Ókinishke qaraı, kóptegen jaǵdaılarda qoǵamdyq keńesterdiń usynymdary memlekettik organdar tarapynan qaraýsyz qalady. Bul turǵyda memlekettik sharalardy qoǵamdyq baqylaý árqashan da pármendi tetik bolyp qala bermek. Koronavırýs indeti bul jumystyń qanshalyqty mańyzdy ekenin kórsetti», - dedi Aıda Balaeva.
Sondaı-aq, kezdesýde qoǵamdyq keńesterdiń qyzmetin jetildirý jáne olardyń qoǵamdyq ómirge belsendi qatysýy boıynsha naqty usynystar aıtyldy. Mınıstrlik jaqyn arada qoǵamdyq keńesterdiń iske asyrylyp jatqan barlyq jobalarymen tanysyp qana qoımaı, olarǵa odan ári qoǵamdyq baqylaý bastamasymen taldaý jasaýdy kózdeıtin memlekettik baǵdarlamalardyń biryńǵaı portalyn iske qosýdy josparlap otyr.
Kezdesýde halyqtyń áleýmettik osal toptary úshin jaǵdaı jasaýǵa baqylaý júrgizý jónindegi máseleler de nazardan tys qalmady. Bul baǵytta búgingi tańda Mınıstrlik janynan arnaıy komıssııa qurylǵan. Qoǵamdyq keńesterge problemalar men máseleler kóterýmen ǵana shektelmeı, tájirıbe almasýda da belsendi bolý usynyldy.
«Qoǵamdyq keńesterdiń áleýeti óte joǵary. Tek ony barynsha paıdalaný kerek jáne ınstıtýtsıonaldyq erkindikti kóbirek kórsetý kerek. Adamdar bizden osyny kútip otyr», - dep atap ótti mınıstr.
Almaty qalasynyń, Atyraý, Qaraǵandy, Soltústik Qazaqstan oblystarynyń qoǵamdyq keńes tóraǵalary jumys tájirıbelerimen bólisip qana qoımaı, koronavırýs inetiniń taraýy kezeńinde qoǵamdyq keńesterdiń qoǵam ómirine belsendi qatysýyn jandandyrý boıynsha birqatar usynys engizdi.
Osylaısha, Atyraý oblysy qoǵamdyq keńesiniń tóraǵasy M.Óteshov qoǵamdyq keńesterge ádistemelik qoldaý kórsetetin Respýblıkalyq ádistemelik ortalyq qurýdy usyndy. Budan basqa, ol qoǵamdyq keńes týraly zań jobasyna ónerkásiptik óńirlerdegi sheteldik kompanııalarmen ózara is-qımylǵa qatysty túzetýler engizýdi usyndy.
Almaty qalasy qoǵamdyq keńesiniń tóraǵasy R.Alshanov aldaǵy saılaýda máslıhat depýtattyǵyna saılaý úshin qoǵamdyq keńesterdiń laıyqty múshelerin usyný týraly pikirin aıtty.
Qaraǵandy oblysy qoǵamdyq keńesiniń tóraǵasy E.Aımaǵambetov óńirlerdiń ekologııalyq ál-aýqatyn jaqsartý boıynsha sharalar qabyldaý qajettiligi týraly aıtty.
Soltústik Qazaqstan oblysy qoǵamdyq keńesiniń tóraǵasy Q.Ediresov óz sózinde aýyl jastaryn qoldaý, olardy jumysqa ornalastyrý jáne jumyspen qamtý boıynsha sharalar qabyldaý qajettigi týraly málimdedi.
Budan basqa, qoǵamdyq keńester Memleket basshysynyń karantındi eki aptaǵa uzartý týraly sheshimin biraýyzdan qoldady, bul rette mundaı sharalar halyqtyń densaýlyǵy men ál-aýqatyna oń yqpal etetinin atap ótti.
Jalpy, kezdesý aıasynda qoǵamdyq keńester qyzmetin jetildirýge jáne olardyń rólin arttyrýǵa yqpal etetin birqatar perspektıvalyq tetikter usynyldy. Olardyń ishinde qoǵamdyq keńesterdiń úılestirý ortalyǵyn qurý, ortalyq deńgeıde usynymdar men sheshimderdi odan ári ázirleý úshin ózekti problemalardyń biryńǵaı bazasyn qurý, qoǵamdyq keńes ókilderiniń, onyń ishinde saraptamalyq ortalyqtardyń áleýetin arttyrý, óńirlerdegi qoǵamdyq keńes músheleriniń bastamalaryn qoldaý boıynsha shaǵyn granttar baǵdarlamasyn iske asyrý sııaqty máseleler bar.
Keńesterdiń mınıstrlikpen odan ári ózara is - qımylyn jaqsartý maqsatynda azamattyq qoǵam isteri Komıtetimen 10 kúnde bir ret, mınıstr A.Balaevamen - aıyna bir ret, Úkimet deńgeıinde - árbir jarty jyldyqta qoǵamdyq keńestermen turaqty kezdesýler uıymdastyrý usynyldy.
Sondaı-aq, mınıstrlik mundaı kezdesýlerdi jarty jylda bir ret Úkimet deńgeıinde ótkizip otyrý týraly usynys engizetin bolady.
A.Balaeva Úkimet janynan Qoǵamdyq keńes úılestirý ortalyǵyn qurý, ózekti máselelerdiń biryńǵaı bazasyn ashý, sarapshylar bazasyn qalyptastyrý arqyly qoǵamdyq keńesterdiń saraptamalyq áleýetin kúsheıtý qajettigin atap ótti.
A.Balaeva, kezdesýdi qorytyndylaı kele, mınıstrliktiń qaı kezde de yntymaqtastyqqa ashyq ekenin jáne barlyq máseleler boıynsha ózara dıalogqa daıyn ekenin atap ótti. Bul turǵyda qoǵamdyq keńester «halyq únine qulaq asatyn memleket» tujyrymdamasyn iske asyrýdyń negizgi quraly retinde qarastyrylady.
