Aıda Balaeva Úkimettik emes uıymdardyń qoǵamdaǵy róli týraly aıtty

NUR-SULTAN. QazAqparat –Onynshy ret ótip otyrǵan Ahamattyq forým qoǵam tarapynan aıtylǵan ıdeıalar men bastamalardy memlekettik organdardyń jumys josparyna engizetindeı qaýqary bar ınstıtýtqa aınaldy. Sharanyń ashylýynda sóz sóılegen Aqparat jáne qoǵamdyq damý mınıstri Aıda Balaeva osyndaı oı aıtty, dep habarlaıdy QazAqparat tilshisi.

«Azamattyq forým Úkimettik emes uıym ókilderiniń «deklaratıvtik-hattamalyq sleti» ǵana emes. Keıbir bastamashyl adamdar aıtqandaı, qoldanbaly ıdeıalar men bastamalar týyndaıtyn, mınıstrler men ákimderdi qoǵam belsendilerimen teń dárejede birlesken is-qımylǵa jeteleıtin, memleket ÚEU-ny jekelegen áleýmettik problemalardy sheshýge tartatyn naǵyz jumys protsesi», -degen Aıda Balaeva ótken apta boıy beıindik ÚEU–men tikeleı dıalogqa shyǵyp, saladaǵy problemalardy ashyq talqylap, sheshimin birge izdegen áriptesterine – mınıstrlerge alǵys bildirdi.

«Osylaısha, «Halyq únine qulaq asatyn memleket» qaǵıdattarynyń ómirsheńdigin rastap qana qoımaı, osyndaı ashyq kezdesýlerdiń qajettiligine, tıimdiligi men paıdalylyǵyna nazar aýdaryldy. Eger sheneýnikter, bıznesmender, kommertsııalyq emes sektordyń kásipqoılary jáne sarapshylar bir-birimen seriktes retinde baılanys ornata alsa, saıası, ekonomıkalyq jáne áleýmettik qatelikterdiń yqtımaldyǵyn kúrt tómendeıdi. Osylaısha damýdyń berik negizi qalanady», - dedi vedomstvo basshysy.

Sondaı-aq ol forýmǵa alǵash ret qatysyp otyrǵan EQYU, BUUDB, ıÝNISEF, Frıdrıh Ebert qory, ıÝNESKO, ıÝSAID sııaqty halyqaralyq uıymdardyń ókilderine alǵys bildirdi.