Aıda Balaeva Táýelsizdik kúnine oraı aqparat jáne qoǵamdyq damý salasynyń qyzmetkerlerin marapattady

NUR-SULTAN. QazAqparat – Búgin QR Aqparat jáne qoǵamdyq damý mınıstrliginde medıa salasynyń jáne azamattyq qoǵam ókilderine memlekettik nagradalardy tabystaý sharasy ótti, dep habarlaıdy QazAqparat.

Mınıstr Aıda Balaeva áriptesterdi Qazaqstannyń Táýelsizdigi kúnimen quttyqtap, qaltqysyz qyzmetteri úshin alǵysyn bildirdi.

Aqparat jáne qoǵamdyq damý mınıstri Aıda Balaeva QR Táýelsizdigi kúni merekesine oraı kelesi memlekettik nagradalardy tabys etti:

«Qurmet» ordenin – Abýova Qalamqas Áskerqyzyna - «Kazınform» Halyqaralyq aqparat agenttigi» AQ bas dırektorynyń keńesshisi;

«Eren eńbegi úshin» medalin – Mıronıýk Tatıana Aleksandrovnaǵa - «Ulttyq volonterlik jeli» ZTB atqarýshy dırektory; Qojaev Shalqar Muqashulyna - «Habar 24» arnasynyń shef-redaktory.

Vedomstvo basshysy sonymen qatar eńbegimen erekshelengen mınıstrliktiń birqatar qyzmetkerine Qurmet gramotalary men alǵys hattardy tabystady.