Aıda Balaeva «Slova patsana» serıaly jaıly: Jastarymyzǵa ortaq eshteńesi joq

Mádenıet jáne aqparat mınıstri Aıda Balaeva reseılik «Slova patsana» serıalyna qatysty pikir bildirdi, dep habarlaıdy Kazinform.

«Bul fılm óte qyzý talqylandy. Alýan túrli pikir bar. Bireýleri fılm zorlyq-zombylyqty nasıhattaıdy dese, endi bireýler adamdardyń psıhıkasyna teris áser etetindigin aıtady. Fılmdi kórgen joqpyn, sondyqtan mazmuny jaıly aıta almaımyn. Árıne, ІІM-ge jiberdik. Degenmen, búginde biz eshqandaı zań buzýshylyq bolǵan joq dep aıqyndadyq», - dedi mınıstr Ortalyq kommýnıkatsııalar qyzmetindegi brıfıngte BAQ ókilderiniń saýalyna oraı.

Onyń atap ótýinshe, týyndy qazaqstandyq shyndyqty pash etpeıdi.

«Serıaldyń bizdiń jastarymyzben ortaq eshteńesi joq. Jastarymyzda lýdomanııamen, esirtkige táýeldilikpen, mádenıetsizdikpen baılanysty problema bar. Sondyqtan Memleket basshysy ár sóz sóıleýinde Qazaqstan azamattary men jastarymyz óziniń dástúrin saqtaýy, eńbek etýi, ózin damytýǵa tyrysýy tıis ekendigin aıtyp keledi. Menińshe, tyıym salý arqyly eshteńeni sheshe almaımyz. Óıtkeni, fılmǵa tyıym salý týraly usynys berilgenniń ózinde aqparattyq tehnologııalar zamanynda ony jasaý múmkin emes», - dedi Aıda Balaeva.