Aıda Balaeva: Sheshimderdiń basym bóligi jas býynnyń ómir sapasyn arttyrýǵa arnaldy
«Memleket basshysynyń búgingi Joldaýy qoǵamnyń barlyq áleýmettik-ekonomıkalyq mańyzdy salalaryn qamtydy. Olardy tıimdi reformalaý - Jańa Qazaqstan tabysty qurýdyń birden-bir kepili. Reformalardyń negizgi mazmuny - birinshi kezekte óskeleń urpaqtyń múddesi, adamı resýrstardy damytý, memlekettiń áleýmettik quramdy bóligin kúsheıtý taqyryptaryn qozǵady. ıAǵnı, myqty ári belsendi jáne básekege qabiletti qoǵam qurý arqyly - tabysty memleket qurý jolyn jalǵastyrý», - dep jazdy QR Prezıdenti Ákimshiligi basshysynyń orynbasary.
Aıda Balaeva Joldaýda kóterilgen máselelerdiń kóbi jastardyń ómir súrý sapasyn arttyrýǵa arnalǵanyn atap ótti.
«Jarııalanǵan sheshimderdiń basym bóligi jas býynnyń ómir súrý sapasyn arttyrýǵa arnaldy. Atap aıtqanda, dekrettik tólem merzimin uzartý, Ulttyq qordaǵy qarjynyń bir bóligin balalardyń esep-shotyna aýdarý, bilim alý úshin jeńildetilgen nesıe berý jáne basqalar. Prezıdent nazarynan sıntetıkalyq esirtkimen kúres pen otbasylyq-turmystyq álimjettilik jasaıtyndarǵa jazany kúsheıtý máseleleri de tys qalǵan joq. Bir sózben aıtqanda, Joldaýda aıtylǵan reformalar - elimizdiń tabysty bolashaǵyn aıqyndaıtyn naqty is-áreket jasaýdyń aıqyn nusqaýlyǵy ári tikeleı tapsyrmalardyń jıyntyǵy dese bolady», - dep túıindedi Aıda Balaeva.
Eske sala keteıik, buǵan deıin «Qazaqstandyq qoǵamdyq damý ınstıtýty» basqarma tóraǵasy Qazbek Maıgeldınov Joldaýda qamtylǵan baǵyttar eldegi saıası turaqtylyqty saqtaýǵa kepil bolatynyn aıtqan bolatyn.
