Aıda Balaeva: «Rýhanı jańǵyrýdyń» barlyq jobalary qazaqstandyq ultty uıystyrýǵa baǵyttalǵan
ASTANA. QazAqparat - «Rýhanı jańǵyrý» baǵdarlamasynyń birinshi kezeńi zamanaýı mádenıettiń úzdik úlgilerine arnalady. Bul týraly QR Prezıdenti Ákimshiliginiń ishki saıasat bóliminiń meńgerýshisi Aıda Balaeva memlekettik baǵdarlamanyń Parıjdegi tanystyrylymynda málim etti.
Aıda Balaeva «Jahandyq álemdegi Qazaqstannyń zamanaýı mádenıeti» jobasyna keńirek toqtaldy.
«Ekinshi kezeń - zamanaýı qazaqstandyq mádenıettiń úzdik shyǵarmalaryn halyqaralyq deńgeıde tanystyrý», - dep atap ótti Balaeva.
Joba aıasynda tsıfrlyq kitaphanalar men vırtýaldy art-galereıalar qurylyp, qazaqstandyq kınony damytý úshin álemdik kınostýdııalarmen yntymaqtastyq ornatylady.
«Rýhanı jańǵyrýdyń» barlyq baǵdarlamalary qazaqstandyq ultty uıystyryp, onyń ashyqtyǵyn arttyrýdy kózdeıdi. ıÝNESKO-nyń urany - erler men áıelderdiń sanasyna beıbitshilik ıdeıasyn sińirý. Qazaqstandyq jańǵyrtý baǵdarlamasy da sanaǵa beıbitshilik mádenıeti men turaqty damýdy engizýge baǵyttalǵan», - dep atap ótti Aıda Balaeva.
