Aıda Balaeva «Rýhanı Jańǵyrý» baǵdarlamasyna qatysty jınalys ótkizdi

NUR-SULTAN. QazAqparat – Búgin Aqparat jáne qoǵamdyq damý mınıstri Aıda Balaeva «Rýhanı Jańǵyrý « baǵdarlamasyn júzege asyrý jáne «Rýhanı Jańǵyrý» qazaqstandyq qoǵamdyq damý ınstıtýty jumysyna baılanysty jınalys ótkizdi. Bul týraly QazAqparat mınıstriktiń telegram kanalyna silteme jasap habarlaıdy.

Epıdemıologııalyq jaǵdaıǵa baılanysty shara Zoom baǵdarlamasy boıynsha, onlaın formatta ótti. Kezdesý barysynda qazirgi ýaqytta júzege asyrylyp jatqan is-sharalar men jańa jobalardyń perspektıvalary jáne taǵy basqa máseleler qaraldy.

Memlekettiń sanany jańǵyrtý jónindegi is-sharalarynda saralanǵan kózqaras bolýy qajettiligine, óńirlerde jumys isteýdiń mańyzdylyǵyna, jańa ınternet-jobalardy damytýǵa jáne taǵy basqa salalyq ózekti máselelerge barynsha nazar aýdaryldy.

Jınalys qorytyndysy boıynsha mınıstr jaýapty adamdarǵa birqatar tapsyrma berdi.