Aıda Balaeva prezıdent saılaýynda daýys berdi

ASTANA. QazAqparat – QR Prezıdenti ákimshiligi basshysynyń orynbasary Aıda Balaeva saılaýda daýys berdi, dep habarlaıdy QazAqparat tilshisi.

Aıda Balaeva Astana qalasyndaǵy №111 saılaý ýchaskesinde óz tańdaýyn jasady.

«Búgingi saılaýǵa halyq belsendi qatysyp, daýys berip jatyr. Bizdiń bolashaǵymyz tikeleı Memleket basshysy men ol júrgizetin saıasatqa baılanysty. Sondyqtan erteńine beı-jaı qaramaıtyn azamattar óz tańdaýyn jasap jatyr. Men de sol azamattardyń qataryndamyn. Óz tańdaýymdy jasadym. Negizi jylda erte keletinmin, bıyl saılaý ýchaskelerindegi kezek azaısyn dep kúttim», - dedi Aıda Balaeva BAQ ókilderiniń suraǵyna jaýap bere turyp.

Onyń aıtýynsha, bastysy elimizdiń tynyshtyǵy men turaqty damýy.

«Saılaý nátıjesinde jeńiske jetken kandıdattyń, ıaǵnı prezıdenttiń alǵa qoıǵan reformalary oıdaǵydaı júzege assa. Halyq úmiti aqtalsa deımin. Oń ózgeristerdiń bolýy tek Memleket basshysyna ǵana, barsha qazaqstandyqqa baılanysty. Ár azamattyń úlesi bar», - deıdi ol.

Aıta ketsek, buǵan deıin elordadaǵy №111 saılaý ýchaskesinde memlekettik keńesshi Erlan Qarın, QR Parlamenti Senatynyń tóraǵasy Máýlen Áshimbaev jáne QR Premer-Mınıstri Álıhan Smaıylov daýys berdi.