Aıda Balaeva mektep baǵdarlamasyna Ekologııa pánin engizýge qatysty birqatar usynys aıtty
QR Aqparat jáne qoǵamdyq damý mınıstri Aıda Balaeva mınıstrlik jaqynda «Ekologııalyq saýattylyq» taqyrybynda iri ekolog, bilikti sarapshylardyń qatysýymen dóńgelek ústel ótkizgenin, sol kezde mamandar tarapynan aıtylǵan usynystardy bilim jáne ǵylym mınıstrligindegi áriptesterine aıtty.
«Birinshiden, Ekologııa pánin tolqyndy sabaq retinde mektep baǵdarlamasynda birden engizýge asyqpaǵan jón, sebebi bala qorshaǵan orta týraly kúrdeli ǵylymdy sanasyna sińirýge daıyn bolý shart. Aldymen fakýltatıvtik úıirme sanyn kóbeıtip, osy arqyly negizin daıyndaý durys. Ekinshiden, ekologııalyq bilim berý júıesin úzdiksiz etý kerek. ıAǵnı orta joǵary jáne arnaıy bilim deńgeıinde biryńǵaı, ári sabaqtas ekologııalyq ilim negizderi qalyptasýy qajet. Úshinshiden, joǵary oqý oryndaryndaǵy Ekologııa páni boıynsha baǵdarlamalardy retke keltirý kerek. Qazir ár joǵary oqý ornynyń óz bilimi ózinde, eshqandaı keshendi jalpyǵa ortaq baǵdarlama joq. Al mekteptegi balalarymyzǵa ekologııalyq bilim beretin qazirgi stýdentter desek, bul máselenii mańyzdy ekeni aıtpasa da túsinikti», - dep atap ótti Aıda Balaeva.
Onyń aıtýynsha, QR Aqparat jáne qoǵamdyq damý mınıstrligi kez kelgen formatta birlese jumys isteýge daıyn.
«Sózimdi «Kishkentaı hanzada« týyndysynan úzindi keltirý arqyly aıaqtaǵym keledi. «Tańerteń turdyń. Jýyndyń. Ózińdi retke keltirgennen keıin óz álemińdi retke keltirýge kiris«. Bárińizge jemisti eńbek tileımin», - dedi ol.
