Aıda Balaeva Quryltaı saılaýynda daýys berdi
ASTANA. KAZINFORM – Qazaqstan Respýblıkasy premer-mınıstrdiń orynbasary – mádenıet jáne aqparat mınıstri Aıda Balaeva Quryltaı saılaýynda óz tańdaýyn jasady.
Aıda Balaeva Astanadaǵy Ulttyq akademııalyq kitaphana ǵımaratynda ornalasqan saılaý ýchaskesinde daýys berdi.
– Biz alǵash ret Halyqtyq Konstıtýtsııa aıasynda qalyptasatyn bir palataly Quryltaıdyń qalyptasýyna óz úlesimizdi qosyp jatyrmyz. Ár partııa óz belsendiligin kórsetti. Búgin saılaý ýchaskelerine kelgen ár azamat óz tańdaýyn jasaıdy. Óıtkeni bul – eldiń bolashaǵy, memleketimizdiń bolashaǵy, – dedi Aıda Balaeva.
Onyń aıtýynsha, azamattardyń óz bolashaǵyn aıqyndaý protsesine tikeleı qatysý úlken múmkindik.
– Biz baqytty halyqpyz. Óıtkeni óz bolashaǵymyzdy aıqyndaýǵa, óz bolashaǵymyzdyń qalyptasýyna úles qosýǵa múmkindigimiz bar. Sondyqtan erteń qalyptasatyn Quryltaı halyqtyq Konstıtýtsııada belgilengen barlyq basymdyqtar men jańa basym baǵyttardyń júzege asýyna atsalysady dep senemin, – dedi mınıstr.
Buǵan deıin Qazaqstan Halyq partııasynyń (QHP) tóraǵasy Nursultan Shoqanov Ulttyq akademııalyq kitaphana ǵımaratynda ornalasqan Quryltaı saılaý ýchaskesinde daýys berdi.
