Aıda Balaeva kóshbasshy jastarǵa «Rýhanı jańǵyrý» baǵdarlamasynyń barysy týraly aıtyp berdi
KÓKShETAÝ. QazAqparat - QR Prezıdenti Ákimshiligi Іshki saıasat bóliminiń meńgerýshisi Aıda Balaeva Aqmola oblysyndaǵy «Zeren» respýblıkalyq jastar bilim lagerinde elimizdiń ár óńirinen jınalǵan kóshbasshy jastarǵa «Rýhanı jańǵyrý» baǵdarlamasyn júzege asyrý barysy men múmkindikteri týraly aıtyp berdi, dep habarlaıdy «QazAqparat» tilshisi.
«Rýhanı jańǵyrý» elimizde eń úlken talqyǵa túsken baǵdarlama. Júzege asyrý qolǵa alynǵan beri osy baǵdarlama týraly kóptegen oı pikirler men usynystar aıtyldy. Osy aralyqta respýblıkalyq, oblystyq deńgeıde sarapshy keńester baǵdarlamanyń júzege asyrylýyna, jańa jobalardy jasaqtap usynýǵa ózderiniń úlesterin qosty. Qazirgi kezeńde bul keńesterge óziniń quqyqtyq statýsyn berý kerek bolyp tur. Biz ony ákimdik janyndaǵy konsýltatıvtik keńes retinde qaıta qurylady dep oılamyz. Al, respýblıka deńgeıindegi ol úkimetiń janynda keńes bolady. Sóıtip, bul ózi júıeli bir úlken ınstıtýt arqyly damyp júzege asyryla beredi», - deıdi A.Balaeva.
Sonymen qatar, ol Elbasynyń «Bolashaqqa baǵdar: rýhanı jańǵyrý» baǵdarlamasyna elimizdiń ár azamaty qatyssa ǵana onyń nátıjesi tıimdi bolatyn aıta kele, bul baǵyttaǵy jumystardy odan ári qaraı tıimdi jalǵastyryla beriletinin atap ótti.
Eske sala keteıik, búgin Aqmola oblysynyń «Zeren» saýyqtyrý ortalyǵynyń bazasynda «Zeren» respýblıkalyq jastar bilim lageriniń «Jańǵyrý trendteri» ekinshi aýysymy resmı túrde ashyldy. Oǵan «QazAqparat» HAA bas dırektory Asqar Ýmarov, belgili saıasattanýshy Aıdos Sarym qatysty.
