Aıda Balaeva qolónershiler eń kóp shoǵyrlanǵan óńirlerdi atady

ASTANA. KAZINFORM – Mádenıet jáne aqparat mınıstri Aıda Balaeva kreatıvti ındýstrııany tsıfrlandyrýǵa arnalǵan Úkimet otyrysynda qolónershiler eń kóp shoǵyrlanǵan óńirlerdi atady.

- Qolónershiler sany boıynsha kósh bastap turǵan qalalar: Almaty – 1 , Astana – 1 349, Shymkent – 1 254, Túrkistan oblysy – 969. Sonymen qatar JShS-lardyń 40%-y IT salasyna tıesili, - dedi mınıstr.

Onyń sózinshe, Qazaqstandaǵy kreatıvti sektorlarda 143 600 adam jumyspen qamtylǵan.

- Búgingi tańda Qazaqstandaǵy kreatıvti ındýstrııa 12 baǵyt boıynsha damyp, 43 ekonomıkalyq qyzmet túrin qamtıdy. Elimizde kreatıvti ındýstrııamen aınalysatyn, tirkelgen sýbektiler sany 45 597, al olardyń el ekonomıkasyndaǵy jalpy qosylǵan qun úlesi 1%. Kreatıvti ındýstrııa sýbektileriniń 50%-dan astamy Almaty men Astanada shoǵyrlanǵan, al olardyń 70%-y jeke kásipkerler. Baǵyttar boıynsha eń kóp shaǵyn jáne orta bıznes sýbektileri «halyqtyq kásipshilik» baǵytyna tıesili – 12 660, - dedi Aıda Balaeva.

Byltyr kúzde Qazaqstan kreatıvti ındýstrııalardyń álemdik reıtınginde 28 pozıtsııaǵa kóterilgeni aıtylǵan edi.