Aıda Balaeva Qoǵamdyq keńes múshelerimen «QR Qoǵamdyq baqylaý týraly» zań jobasyn talqylady
«Bizdiń mınıstrlik árqashan ashyqtyq pen yntymaqtastyq qaǵıdattaryn ustanady. Sondyqtan, biz búgin konstrýktıvti áńgime ótkizetinimizge senimdimin. Men sizderden osy qujatty odan ári jetildire alatyn jáne sol arqyly memlekettik organdardyń qoǵamǵa ashyqtyǵynyń tıimdi tetikterin qamtamasyz etetin naqty usynystar estımin dep úmittenemin», - dedi mınıstr.
2020 jyldyń sońynda Memleket basshysy azamattyq qoǵam ınstıtýttaryn damytý maqsatynda qabyldanǵan zańnamalyq túzetýler paketine qol qoıdy.
«Atap aıtqanda, memlekettik ınstıtýttyń ókilettigin aıtarlyqtaı keńeıtetin «Qoǵamdyq keńester týraly» Zań. Al, «Aqparatqa qol jetkizý týraly» Zańǵa engizilgen túzetýler memlekettik organdar men kvazımemlekettik sektordyń qoǵam aldyndaǵy ashyqtylyǵyn qamtamasyz etý jolyndaǵy praktıkalyq progress dep ataýǵa bolady», - dep tolyqtyrdy ol.
Mınıstrdiń aıtýynsha, «Qoǵamdyq baqylaý týraly» jańa Zańnyń jobasy keń talqylaýǵa ashyq jáne ol «Ashyq NQA» portaly men Aqparat jáne qoǵamdyq damý mınıstrliginiń saıtynda jarııalanǵan.
«Árbir azamat óz pikirin aıtyp, usynys jasaı alady. Bul barlyq múddeli taraptardy, sonyń ishinde bizdiń zań sarapshylarynyń, quqyq qorǵaýshylardyń jáne qoǵam qaıratkerleriniń ujymdyq jumysy. Olardyń prıntsıpti ustanymdary eskerildi», - dedi mınıstr.
Sonymen birge, Aıda Balaeva memlekettik ınstıtýttardyń tıimdiligine qoǵamdyq baqylaýdyń áser etý deńgeıi men olardyń qyzmetiniń ashyqtyǵy áli de sáıkes kelmeıtindigin atap ótti.
«Bul, eń aldymen, qurylymdy qurýshy zańnyń, sondaı-aq óz qyzmetinde qoǵamdyq baqylaý sýbektileri men obektilerin basqaratyn naqty zańmen rettelgen normalardyń bolmaýymen baılanysty.Sondyqtan biz qoǵamdyq baqylaý týraly zań jobasynyń maqsaty jalpy qoǵamdyq baqylaý júıesiniń quqyqtyq negizin qurý bolýy kerek degen ortaq pikirge keldik», - dedi Aıda Balaeva.
Ol úshin kelesi tásilder usynylady:
Birinshiden. Tujyrymdamalyq apparattyń anyqtamasy. Atap aıtqanda, qoǵamdyq baqylaý tujyrymdamalary, obektileri men sýbektileri, qoǵamdyq baqylaý nysandary, qoǵamdyq baqylaýdy júzege asyrýdaǵy negizgi usynymdar aıqyndalatyn bolady. Sonymen birge obektige memlekettik organdardy, jergilikti ózin-ózi basqarý organdaryn, kvazımemlekettik sektor sýbektilerin anyqtaý usynylady. Sýbektiler - bul ózderiniń jarǵylaryna sáıkes qoǵamdyq baqylaýdy júzege asyratyn jáne korporatıvtik qorlardy qospaǵanda, ÚEU derekqoryna engizilgen kommertsııalyq emes uıymdar.
Ekinshi. Maqsat pen prıntsıpterdi anyqtaý. Atap aıtqanda, mysaly:
- adamnyń jáne azamattyń konstıtýtsııalyq quqyqtaryn, bostandyqtary men zańdy múddelerin saqtaý;
-ashyqtyq, jarııalylyq, qoǵamdyq baqylaýdy júzege asyrýǵa qatysýdyń zańdylyq eriktigi;
- qoǵamdyq baqylaý kezinde obektilerdiń de, qoǵamdyq baqylaý sýbektileriniń de zańsyz aralasýyna jol berilmeýi;
- qoǵamdyq baqylaý sýbektileriniń táýelsizdigi, obektıvtiligi.
Úshinshi. Sýbektiler men obektilerdiń quqyqtary men mindetterin anyqtaý. Mysaly, qoǵamdyq baqylaý sýbektileri sarapshylardy tartýǵa, saraptaý komıssııalary men qoǵamdyq baqylaý toptaryn qurýǵa, sondaı-aq aqparat suratýǵa, aýdıovızýaldy jabdyqty paıdalanýǵa, beıne jáne fotosýretter túsirýge, sondaı-aq olardyń áreketine nemese áreketsizdigine shaǵymdanýǵa quqyly bolady. Qoǵamdyq baqylaý obektileri jáne t.b. qoǵamdyq baqylaý obektileriniń usynymdaryn qarastyrýǵa jáne olardy ınternet-resýrstarǵa ornalastyrýǵa, múddeler qaqtyǵysyn boldyrmaýǵa, qaýipsizdik sharalaryn saqtaýǵa, sýbektilerge qol jetimdilikti qamtamasyz etýge jáne t.b.
Tórtinshi. Qoǵamdyq baqylaý nysandaryn anyqtaý. Atap aıtqanda, bular qoǵamdyq tyńdaýlar, qoǵamdyq saraptama.
Besinshi. Qoǵamdyq baqylaýdy júzege asyrýdyń negizderin, ony júzege asyrý tártibi men usynystardy qaraý tártibin belgileý.
«Qurmetti áriptester, kez kelgen zań jobasy oǵan Prezıdent qol qoıǵanǵa deıin tıisti ózgerister engizýge quqyly ekendigi anyq. Sondyqtan meniń búgingi saparymnyń basty maqsaty - bilikti sarapshylardyń pikirin tyńdaý. Qoǵammen baılanys máselelerinde tájirıbıelerińizdiń jetkilikti ekenine senimdimin», - dedi mınıstr jınalǵandarǵa.
