Aıda Balaeva Qytaıdaǵy qazaq mádenı ortalyǵyn ashýǵa qaıdan qarjy alatynyn aıtty
ASTANA. KAZINFORM – Májiliste Qazaqstan men Qytaı Úkimetteriniń arasynda ózara mádenı ortalyqtar qurý týraly kelisimdi ratıfıkatsııalaý týraly» zańy jobasy talqylandy.
Qujatty tanystyrǵan Mádenıet jáne aqparat mınıstri Aıda Balaeva Beıjińnen ashylatyn qazaq mádenı ortalyǵyn ashýǵa qajet qarajatty qaıdan alatynyn aıtty.
«Kommertsııalyq emes uıym negizinde qurylady. Al qarjylandyrý máselesine kelsek, mınıstrlikte zań joq, negiz joq. Osy ratıfıkatsııa týraly zań jobasy qabyldansa, biz bıýdjetten qarjy qarastyratyn bolamyz. Qazirgi tańda ortalyqtyń orny retinde Beıjiń qalasyndaǵy arbatta ornalasqan, 700 sharshy metr ǵımaratty anyqtadyq. Onyń ishinde búkil jóndeý jumystarynyń bárin demeýshilik kózderden tartýdy qarastyryp jatyrmyz. Al endi quqyqtyq negiz bolǵan jaǵdaıda respýblıkalyq bıýdjetten qarastyramyz. Óıtkeni ár joba júıeli jáne naqty júzege asý úshin, árıne, birinshi kezekte qarjylandyrý máselesin sheshý kerek», - dedi mınıstr.
