Jyl saıynǵy kınojobalar konkýrsynda bıyl qandaı taqyryptarǵa basymdyq berildi

ASTANA. KAZINFORM — Aıda Balaeva Memleket basshysy Qasym-Jomart Kemeluly Toqaevtyń sapaly jáne rýhanı tárbıelik máni bar kıno jasaý týraly tapsyrmasyna sáıkes júzege asyp jatqan jyl saıynǵy kınojobalar konkýrsy búgin bastalǵanyn málimdedi.

— Іrikteýdiń basym taqyryptary Ulttyq kınony qoldaý memlekettik ortalyǵynyń saıtynda jarııalandy. Bıyl týǵan jer, otbasy, salaýatty ómir salty, ulttyq qundylyqtar, eńbek, zań, tártip, tabıǵat, ǵarysh, týrızm sııaqty jan-jaqty taqyryptar legi usynylyp otyr, — dedi ol.

Mınıstrdiń aıtýynsha, mańyzdy jańalyqtardyń biri — irikteý jasandy ıntellekttiń kómegimen ótkiziledi. Bul ashyqtyq pen sheshim qabyldaýdaǵy ashyqtyq pen ádildikti qamtamasyz etýge kómektesedi.

— Erejege sáıkes birinshi kezeńde tek stsenarııler men stsenarıı josparlary qabyldanady. Ekinshi kezeńde qujattar toptamasynyń tolyq sáıkestigi tekseriledi. Al ashyq qorǵaý men pıtchıng kezeńi onlaın kórsetilim arqyly ótedi. Konkýrs nátıjesinde memlekettik qoldaý tapqan jobalardyń 70 paıyzy jas rejısserlerdiń týyndylary ekeni erekshe qýantady. Sapaly, saýatty fılmder túsirgisi keletin avtorlarǵa sáttilik tileımin, — dedi Aıda Balaeva.

Eske sala keteıik, buǵan deıin Aıda Balaeva buǵan deıin kınoteatrlar ulttyq fılmderdi kórsetýge qyzyǵýshylyq tanytpaı otyrǵanyn aıtqan edi.