Aıda Balaeva kınosynshylardy yntymaqtastyqqa shaqyrdy

NUR-SULTAN. QazAqparat - Búgin QR Aqparat jáne qoǵamdyq damý mınıstri Aıda Balaeva kınosynshylarmen kezdesti, dep habarlaıdy QazAqparat mınıstrliktiń baspasóz qyzmetine silteme jasap.

A.Balaeva mınıstrlik telehıkaıalar óndirisi boıynsha smetalyq qarjylandyrý máselesine qatysty jumys pysyqtalyp otyrǵandyǵy jáne prodakshnderdiń kásipqoılyq deńgeıi negizinde irikteý maqsatynda memlekettik aqparattyq tapsyrysty úlestirý erejelerin ózgertý josparlanyp otyrǵandyǵy týraly habardar etti.

«Sheteldiń, eń aldymen ózimiz de tanysqan Túrkııanyń tájirıbesi kórsetip otyrǵandaı, telehıkaıalardyń ıdeologııalyq mazmuny men sapasyn arttyrý aspektilerinde tek kınoserıaldyq óndiris kesheniniń barlyq qatysýshylary birikkende ǵana, ıaǵnı stsenarıst pen rejısserden bastap synshy-retsenzentge deıin, bul salada edáýir nátıje kórsetýimiz múmkin. Bul protsesterge kınosynshylar ınstıtýty qatyspaı, qazaqstandyq telehıkaıalar mádenı perıferııada qala bermek»,- dedi mınıstr.

Kezdesý barysynda kınosynshylar Qazaqstandaǵy kınoserıal ındýstrııasyn damytý salasyna qatysty óz usynystary men pikirlerin bildirdi.

Aıda Balaeva: «Aqparat jáne qoǵamdyq damý mınıstrligi telehıkaıalardyń kásibı oryndalýy men ıdeologııalyq mazmunynyń sapasyn arttyrý maqsatynda sizderdi yntymaqtastyqqa shaqyrady».

Іs-sharanyń sońynda A. Balaeva mınıstrlik telehıkaıa ónimi salasyn damytý máselesi boıynsha syndarly usynystarǵa ashyq ekenin atap ótti.