Aıda Balaeva «Qazaq gazetteri» JShS ujymymen kezdesti

ALMATY. QazAqparat - Aqparat jáne qoǵamdyq damý mınıstri Aıda Balaeva «Qazaq gazetteri» JShS ujymymen kezdesý ótkizip, «Mysl» respýblıkalyq qoǵamdyq-saıası ǵylymı-aǵartýshylyq jýrnalynyń 100 jyldyǵymen quttyqtady, dep habarlaıdy QazAqparat vedomstvonyń Telegram paraqshasyna silteme jasap.

Mınıstr jınalǵandarǵa memlekettik hatshy Q.Kósherbaevtyń atynan «Mysl» jýrnaly ujymyna arnaıy quttyqtaý hatyn oqyp berdi.
Óz kezeginde, Aqparat jáne qoǵamdyq damý mınıstri Aıda Balaeva tsıfrlyq tehnologııalar dáýirindegi «Mysl» jýrnaly halyqtyń suranysqa ıe basylymy bolyp qala beretinin, ulttyq sana men rýhanı qundylyqtardy
qalyptastyrý boıynsha qoǵamdyq-mańyzdy jumystardy júrgizýge baǵyttalǵan óziniń taqyryptyq kontenti bar ekenin atap ótti.
Sońynda, mınıstr Aıda Balaeva elimizdiń túrli taqyryptyq baspa basylymdaryn biriktiretin «Qazaq gazetteri» JShS ujymyna shyǵarmashylyq tabys tiledi.