Aıda Balaeva: Іzgilik pen adamgershilik qymbat qundylyqtarymyz bolyp qala beredi

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva qazaqstandyqtardy Qurban aıt merkesimen quttyqtady, dep habarlaıdy QazAqparat.

Aıda Balaeva óz quttyqtaýynda zamana talaptary ózgerse de izgilik, mahabbat pen adamgershilik qymbat qundylyqtarymyz bolyp qala beretindigi týraly aıtty.

«Sońǵy aılarda bizdiń ómirimiz kúrt ózgerdi. Biz de ózgerdik. Búginge deıin, kóp mán berilmegen qundylyqtar: densaýlyq, jaqyndarymyzdyń amandyǵy, qarapaıym qarym-qatynas eń basty ári qymbat qundylyqtar ekenin ómir bizge taǵy bir ret dáleldedi... Biraq zamana talaptary ózgerse de – izgilik, mahabbat pen adamgershilik, dostyq pen kelisim máńgilik qymbat qundylyqtarymyz bolyp qala beredi», - dep jazdy mınıstr áleýmettik jelidegi paraqshasynda .

Sondaı-aq, mınıstr qazir qonaqqa barý, merekelik jáne dástúrli sharalardy ótkizýde jańa erejeler talabyn oryndaý mańyzdylyǵyn eskertti.