Aıda Balaeva Halyqaralyq kóshi-qon uıymynyń Sýbóńirlik úılestirýshisimen kezdesti
NUR-SULTAN. QazAqparat - Búgin QR Aqparat jáne qoǵamdyq damý mınıstri A.Balaeva Halyqaralyq kóshi-qon uıymynyń (HKU) Ortalyq Azııa boıynsha Sýbóńirlik úılestirýshisi, Qazaqstan, Qyrǵyzstan, Ózbekstan jáne Túrikmenstandaǵy mıssııanyń basshysy Zeınal Gadjıevpen kezdesti, dep habarlaıdy QazAqparat mınıstrliktiń baspasóz qyzmetine silteme jasap.
Mınıstr vedomstvonyń qyzmetimen, onyń ishinde dıasporaldyq saıasat salasynda júrgizilip jatqan jumystarmen tanystyrdy.
Z.Gadjıev Qazaqstannyń kóshi-qondy basqarýdyń zamanaýı júıesin qurý jónindegi keshendi mindetterdi sheshýdegi mańyzdy rólin atap ótti.
Taraptar ózara is-qımyldyń basym baǵyttaryn, onyń ishinde ázirlenip jatqan «QR Úkimetiniń sheteldik dıasporalarmen ózara is-qımyl boıynsha kúsh-jigerin qoldaý» jobasyn talqylady.
Kezdesý qorytyndysy boıynsha taraptar bir-birin aǵymdaǵy jáne josparlanǵan is-sharalar týraly habardar etip, yntymaqtastyqty damytýǵa daıyn ekendikterin bildirdi.
