Aıda Balaeva Eýropa Odaǵynyń Orta Azııa boıynsha arnaıy ókilimen kezdesti

NUR-SULTAN. QazAqparat - Búgin QR Aqparat jáne qoǵamdyq damý mınıstri Aıda Balaeva Eýropa Odaǵynyń Orta Azııa boıynsha arnaıy ókili Terı Hakalamen kezdesti, dep habarlaıdy QazAqparat vedomstvonyń saıtyna silteme jasap.

A. Balaeva T.Hakalany Eýropa Odaǵynyń Orta Azııa boıynsha arnaıy ókili laýazymyna jaqynda taǵaıyndalýymen quttyqtap, jemisti jumys tiledi. Mınıstr Terı Hakala hanymdy mınıstrlik qyzmetiniń negizgi baǵyttarymen tanystyrdy.

T. Hakala óz kezeginde mınıstrliktiń mańyzdy rólin atap ótip, qoǵamdyq mańyzy bar jobalardy, sonyń ishinde aldaǵy «Orta Azııa – EO» Azamattyq forýmyn iske asyrý úshin EO ınstıtýttary men Orta Azııa memleketteri arasyndaǵy dıalogty qoldaýǵa múddeliligin bildirdi.

Kezdesý qorytyndysy boıynsha taraptar ózara tıimdi yntymaqtastyqqa beıil bildirdi.