Aıda Balaeva emhanalar týrasynda: Adamdar uzyn-sonar kezekke shaǵymdanýda
NUR-SULTAN. QazAqparat – QR Prezıdentiniń kómekshisi — QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi Aıda Balaeva elordadaǵy densaýlyq saqtaý júıesindegi problemalardy atady, dep habarlaıdy QazAqparat tilshisi.
«Turǵyndar emhanalardaǵy uzyn-sonar kezekke shaǵymdanyp keledi. Sonymen qatar, tirkeýge turý baǵytynda, medıtsınalyq statsıonarlarǵa kvotalar alýǵa turǵysynda problemalar bar», - dedi ol elordany odan ary damytý máseleleri jónindegi májiliste.
Bul fakti onlaın qosymsha sekildi zamanaýı tetikter shuǵyl máselelerdi tıimdi sheshýge yqpal etpeı turǵanyn kórsetedi.
«Osyndaı resýrstardyń jumysyna baqylaý tetikterin jetildirý kerek, bul sharalar naqty nátıjege negizdelýi tıis, ıaǵnı azamattar suranysyn qanaǵattandyrýy kerek», - dep atap ótti Aıda Balaeva.
Sonymen qatar ol jurtshylyq baratyn jerlerde múmkindigi shekteýli jandar úshin tolyqqandy qolaıly jaǵdaıdyń joqtyǵyn atap ótti. Mundaı qoǵamdyq oryndarda múmkindigi shekteýli adamdarǵa qajetti jabdyqtardy ornatýda nemquraılylyq oryn alýda.
Budan buryn habarlanǵandaı, atalǵan jıyn barysynda Memleket basshysy Qasym-Jomart Toqaev elordadaǵy Ortalyq temirjol aýrýhanasynyń apattyq jaǵdaıy problemasyn kóterdi.
