Aıda Balaeva elimizdegi ajyrasýdyń negizgi sebebin atady

ASTANA. KAZINFORM – Qazaqstanda zańdy neke qııý men ajyrasý kórsetkishi tómendegen. Bul týraly Mádenıet jáne aqparat mınıstri Aıda Balaeva málim etti.

«Otbasy týraly ulttyq baıandamaǵa sáıkes azamattardyń 95,4% otbasylyq qatynastardy qoldaıdy. Ulttyq statıstıkasyna sáıkes 2023 jyly 2022 jylmen salystyrǵanda nekege turý 5,9%, al ajyrasý 5,3%-ǵa azaıdy», - dedi Aıda Balaeva Senatta ótken Úkimet saǵatynda jasaǵan baıandamasynda.

Sonymen qatar mınıstrdiń ajyrasýdyń negizgi sebepterin atady. Ol – ishimdikke salyný, erli-zaıyptylardyń bireýiniń nashaqorlyǵy - 61,7%, turmystyq zorlyq-zombylyq -51,1%, senimsizdik – 0, 47%, lýdomanııa-38,4%.

«Júrgizilgen zertteýge sáıkes, qazaqstandyqtar kórsetken ajyrasýdyń sebebi (20%) bala týa almaý, árbir 6-shy otbasy osyndaı jaǵdaıǵa tap bolyp otyr», - deıdi ol.