Aıda Balaeva: Bizdiń mindetimiz - Tuńǵysh Prezıdent isin jalǵastyrý

ASTANA. QazAqparat - QR Prezıdenti Ákimshiligi ishki saıasat bóliminiń meńgerýshisi Aıda Balaeva QR Tuńǵysh Prezıdenti - Elbasy Nursultan Nazarbaevtyń Qazaqstan Respýblıkasynyń Prezıdenti retindegi ókilettigin toqtatý jónindegi sheshimine qatysty pikir bildirdi, dep habarlaıdy QazAqparat.

«Mańyzdy oqıǵalar ár kezde aıaq astynan bolyp jatady! Árbir adam ómiriniń belgili bir kezeńin osyndaı taǵdyrsheshti sátti ǵana baǵamdaıtyn bolýy kerek. Taǵdyrymyzdaǵy Memleket basshysynyń orny jóninde oılana otyryp, búgingi tańda árqaısymyz osyndaı sátti bastan keshtik.

Ómirdiń osyndaı kezeńderinde Elbasynyń jolynda kezdesken qıyn jaǵdaılardy eske túsirip, sol kezdegi kóńil-kúıdi qaıta bastan keshirgendeı bolasyń.

Memlekettiń bolashaǵy, el taǵdyryna qatysty tarıhı sheshimder qabyldanǵan sátterdi eske túsirgende, Elbasynyń aýyr ári uzaq jumys kestesin oılaǵanda ǵana onyń bizder úshin ómir súrgenin túsinemiz.

Bizdiń sharshaýymyz ben alańdaýymyz Memleket basshysynyń júktemesimen salystyrǵanda túkke turǵysyz.

Ult kóshbasshysy osy jyldary asa kúrdeli kezeńde teńdikti saqtap, qıynshylyq pen synaqtardy eńsere otyryp bizdiń árqaısymyz úshin asa aýyr jaýapkershilik júgin arqalap keldi.

Óziniń danyshpandyǵy jáne kóregendiginmen ol elimizdiń damý baǵytyn uzaq jyldarǵa belgilep berdi, sonyń arqasynda biz bolashaǵymyz úshin alańdamaımyz.

Búgingi jastarǵa arnaǵan málimdemesi de onyń ulylyǵyn jáne kóregendigin taǵy da aıqyndaı túsedi. Osyndaı sátterde de Prezıdent el bolashaǵyn oılaıdy.

Sondyqtan men Elbasynyń ıdeıalaryna, Qazaqstannyń ósip, órkendeýi úshin aıqyndaǵan baǵytyna adal bolamyn!

Elbasy mańyzdy strategııalyq laýazymdarda qala otyryp, aıqyndalǵan baǵyttyń saqtalýyna kepil bolatyndyǵy maǵan senimdilik syılaıdy.

Bizdiń mindetimiz - birlikti saqtap, Tuńǵysh Prezıdent - Qazaqstannyń Táýelsizdiginiń negizin qalaýshy isin jaýapkershilikpen jalǵastyrý.

Bul meniń Prezıdentim! Bul meniń Elbasym!!!» - dep jazdy Aıda Balaeva áleýmettik jelidegi paraqshasynda.