Aıda Balaeva balalar men eresekterge arnalǵan eń paıdaly ınternet alańdary jaıly málimetpen bólisti

«Kınoteatrlar, saýda ortalyqtary, klýbtar men úıirmeler toqtap qalǵan kezde májbúrli karantın jáne uzaq demalystar balalardyń bos ýaqytyn qalaı ótkizýi kerektigi týraly máseleni týyndatady. Búgingi tańda ınternettiń arqasynda siz kez kelgen bilim berý platformasyn tańdap, balalar úshin ǵana emes, eresekter úshin de ýaqytty tıimdi ótkize alasyz», - dep jazǵan Aıda Balaeva óz jazbasynda paıdaly mobıldi qosymshalardy tizip berdi.

iMektep.kz - Qazaqstannyń jetekshi ádiskerleri men muǵalimderi ázirlegen bastaýysh mektep baǵdarlamasynyń tolyq kýrsy. Ár sabaq ınteraktıvti oıyn tapsyrmalary men testilermen birge júretin qysqa anımatsııalyq fılmnen turady.

Bilimland.kz - elektrondy oqytý salasyndaǵy álemdik kóshbasshylardyń jetistikterine negizdelgen bilim alańy. Bul - álemdik ázirleýshilerdiń muǵalimderge, stýdentterge jáne ata-analarǵa arnalǵan zamanaýı bilim berý mazmunyndaǵy eń úlken jınaq.

Twig-bilim.kz - Qazaqstanda da kásibı deńgeıde qoljetimdi halyqaralyq onlaın servıs. Keshen hımııa, fızıka, bıologııa, ǵylym, matematıka jáne geografııa pánderinen mektep baǵdarlamasynyń negizinde jasalǵan 1 500-den astam qyzyqty qysqa metrajdy (shamamen 3 mınýt) fılmnen turady.

Zhastar.org - Oqýshylardyń ómirlik, áleýmettik daǵdylary men psıhologııalyq saýlyǵyn damytýǵa arnalǵan ata-analarǵa, muǵalimder men balalarǵa arnalǵan onlaın platforma. Saıtta mýltımedııalyq materıaldar ata-analar men balalarǵa, psıhologtar men oqytýshylarǵa tıisti usynystar bar.

Kitap.kz (Qazaqstan ashyq kitaphanasy) - bul 20 myńnan astam shyǵarma jınaǵy bar qazaq ádebıetiniń eń úlken tegin onlaın kitaphanasy.

Audiokitap.kz - bul qazaq kórkem ádebıetiniń tegin 1 500-den astam aýdıo kitaby men 400 aýdıo ertegisi ornalastyrylǵan mobıldik qosymsha. Ol iOS jáne Android úshin qoljetimdi.

Openu.kz (Qazaqstannyń ashyq ýnıversıteti) - bul aldyńǵy qatarly ýnıversıtetter men oqytýshylardyń onlaın kýrstaryna kirýge múmkindik beretin onlaın bilim berý platformasy. Munda gýmanıtarlyq, ınjenerlik jáne bıznes mamandyqtary boıynsha 170-ten astam kýrs bar. Saıtta «Jańa gýmanıtarlyq bilim. Qazaq tilindegi 100 jańa oqýlyq» jobasy aıasyndaǵy kitaptar da qoljetimdi.

Academia.kz - muǵalimder men ata-analarǵa arnalǵan bilim berý alańy. Oqytýshylardyń shyǵarmashylyq jáne ǵylymı jumystaryna arnalǵan ǵylymı tájirıbeler, oqý-ádistemelik materıaldar men pedagogıkalyq ádebıetterdiń úlken jınaǵy.

Khanacademy.org - mektepte bilim alýǵa arnalǵan aqysyz platforma. Saıt jeke bilim berý traektorııasyn qurýǵa múmkindik beredi.

Alison.com – 1 myńnan astam tegin kásibı kýrstar. Jobanyń aýdıtorııasy - 14 mıllıonnan astam qoldanýshy.

Openculture.com - bilimge qol jetimdiliktiń jahandyq bastamasy. Platformada 1300 onlaın kýrs, 1 150 fılm, 700 aýdıo kitap, 800 elektrondy kitap, 300 tildik kýrs jáne 150 bıznes kýrs bar.

Academicearth.org - AQSh-tyń jetekshi ýnıversıtetteriniń kýrstarynyń agregatory. Saıt Kornell, Kolýmbııa, Garvard, Dartmýt, Prınston, Stenford, Iel jáne basqa ýnıversıtetterdiń kýrstaryn tyńdaýǵa múmkindik beredi.

Google Arts Institute - búkil álemniń óner týyndylaryna qoljetimdi onlaın platforma. Qazirgi ýaqytta platforma arqyly 32 álem murajaıy men kórmedegi, onyń ishinde Metropolıten óner murajaıy (Nıý-Iork), Ýffızı (Florentsııa) jáne Teıt qazirgi galereıasy (London) sııaqty 32 myńnan astam nysannyń kollektsııasyn kórýge bolady.

MIT OpenCourseWare - ınjenerlik jáne IT mamandyqtary boıynsha MIT ýnıversıtetiniń oqý materıaldary.

TED-Ed - bilim berý qajettilikteri úshin jáne suraqtarmen, testtermen uıymdastyrylǵan TED baıandamalary.

National Geographic Kids - bul kishkentaı balalarǵa arnalǵan tanymal National Geographic Kids mazmuny. Tabıǵat pen Jer planetasy týraly bilýge yńǵaıly saıt.

«Bos ýaqytyńyzdy balalaryńyzdyń qoǵamdastyǵynda praktıkalyq artyqshylyqtarmen ótkizip, birge jańa bilim men daǵdylardy ıgere alasyzdar dep úmittenemin!» - dep jazdy Aıda Balaeva.