Aıda Balaeva: BAQ-tyń «Halyq únine qulaq asatyn memleket» qalyptastyrýdaǵy eńbegi zor
«Sizderdiń eńbekterińizdiń arqasynda Perzıdent bastamashy bolǵan «Halyq únine qulaq asatyn memleket» tujyrymdamasy qazir tolyǵymen qoǵammmen keri baılanystyń tıimdi tetigi retinde tolyqtaı qalyptasty. Eń bastysy, jýrnalıstıka keleshekte de árdaıym qoǵam ómirinde jetekshi ról oınaıdy», - dedi mınıstr URKER-2021 ulttyq báıgesiniń marapattaý sharasynda.
A.Balaeva BAQ salasyn, sondaı-aq ulttyq qaýipsizdiktiń ózegi retinde atady.
«Aqparat keńistiginiń qoǵam damýyndaǵy alatyn orny, qosatyn úlesi de óte zor. Sebebi medıa tek resmı aqparatty taratatyn qural emes, ulttyq qaýipsizdik pen memlekettik ıdeologııanyń ózegi ekenin únemi aıtyp kelemiz. Azamattyq qoǵamnyń qarqyndy damýy jýrnalısterdiń kásibı jáne azamattyq belsendiligine tyǵyz baılanysty. Endeshe osyndaı aýqymdy salanyń júgin arqalap, mańyzdy mindetti atqaryp júrgen jýrnalıster qaýymyna zor alǵysymdy bildirgim keledi», - dedi Aqparat jáne qoǵamdyq damý mınıstri.
