Aıda Balaeva BAQ-ty qoldaý sharalary týraly aıtty
«Ekonomıkalyq qıyndyq kezeńinde BAQ-ty qoldaý sharalaryna erekshe toqtalǵym keledi. Búginde koronavırýs pandemııasy saldarynan buqaralyq aqparat quraldary eleýle ekonomıkalyq qıyndyqtarǵa tap bolýda», - dedi mınıstr Ortalyq kommýnıkatsııalar qyzmetinde onlaın rejımde ótken halyqqa esep berý kezdesýi barysynda.
Osy oraıda ol bıyl jarnamalyq kiristerdi joǵaltý boljam boıynsha ortasha eseppen 30-dan 60 paıyzǵa deıin eseptelip otyrǵanyn jetkizdi.
A. Balaeva daǵdarysqa qarsy sharalar aıasynda QR Parlamenti zańnamaǵa túzetýlerdi qoldaǵanyn eske saldy. Osy oraıda 2020 jylǵy 1 sáýirden 1 qazanǵa deıingi kezeńde eńbekke tólem jasaý qorynan, salyq tóleýden jáne mindetti aýdarymdardan bosatý kózdelgen.
«Sonymen birge, Parlament tıisti zań jobasyn qabyldady. Onyń aıasynda 2020 jyldyń 1 shildesinen 31 jeltoqsan aralyǵynda kommertsııalyq tele-radıoarnalardy analogtyq jáne efırlik tsıfrlyq habar taratý qyzmetteri úshin aqy tóleýden bosatý qarastyrylǵan», - dedi vedomstvo basshysy.
