Aıda Balaeva Amre-ge qoldaý kórsetti
ASTANA. KAZINFORM – QR Mádenıet jáne aqparat mınıstri Aıda Balaeva Amre ataýymen tanymal ánshi Ernar Sadyrbaevqa Intervıdenıe-2025 baıqaýyna qatysqannan keıin qoldaý kórsetti.
Ol óziniń Instagram áleýmettik jelisindegi paraqshasynda ánshiniń sheberligin joǵary baǵalap, bir ǵana baıqaýdyń onyń óneriniń aýqymyn anyqtaı almaıtynyn aıtty.
-Siz biz úshin árdaıym jeńimpazsyz. Baıqaýda joǵary deńgeıde óner kórsettińiz. Árıne, jeńis te jeńilis te qatar júredi. Biraq bir baıqaý barlyq ónerdiń ólshemi emes. Sizdiń erek talantyńyzdy bárimiz qurmet tutamyz. Jarqyn jeńister áli de alda. Sizge tek myqty densaýlyq, sarqylmas kúsh-jiger men shyǵarmashylyq tabys tileımin!,-dep jazdy Aıda Balaeva.
Bul jarııalanym, jazylýshylar arasynda qyzý pikirtalas týdyrdy. Kóptegen adam ánshige qoldaý bildirip, Amre-niń shyǵarmashylyǵy qazaq eliniń mádenı ómirinde oıyp turyp alar orny bar ekenin jetkizdi. Al ártistiń ózi ónerge degen ynta-yqylasymen, tabandylyǵymen úlgi bolatyny aıtylǵan.
Aıta keteıik, baıqaýda Amre qazaq tilinde «Dalanyń nury» ánin oryndap, alǵashqy ondyqqa kirdi. Baıqaýǵa qatysýshy árbir ónerpazdyń erekshe ekenine qaramastan qazaqstandyq ánshiler kórermender tarapynan erekshe qoshametke ıe boldy.
Amre «Slavıanskıı bazar» baıqaýynyń jeńimpazy, Memlekettik «Daryn» syılyǵynyń laýreaty.