Aıda Balaeva adam júzin búrkemeleıtin dinı kıimge tyıym týraly: Áli naqty sheshim joq

ASTANA. KAZINFORM – Mádenıet jáne aqparat mınıstri Parlament palatalarynyń birlesken otyrysynyń aldynda adam júzin búrkemelep turatyn dinı kıimderge tyıym salý usynysyna pikir bildirdi.

Májilis kýlýarynda BAQ ókilderiniń suraǵyna jaýap bergen Mádenıet jáne aqparat mınıstri dinı kıim úlgilerimen baılanysty talaptar din saıasatynyń jańa tujyrymdamasynda kórinis tabatynyn aıtty. 

«Biz osy ýaqytqa deıin tujyrymdamany talqylap jatqanymyzdy aıttyq. Dinı saıasattyń jańa tujyrymdamasy bul. Biz tek qaýipsizdik máseleleri jóninde aıtyp otyrmyz. Sondyqtan naqty sheshim áli joq», - dedi Aıda Balaeva.