Aıda Balaeva 42 myń teńge tólem alý úshin ne isteý kerektigin túsindirdi
NUR-SULTAN. QazAqparat - Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi Aıda Balaeva memleketten 42 myń teńge tólem alýǵa quqyǵy bar azamattarǵa ne isteý kerektigin túsindirdi, dep habarlaıdy QazAqparat tilshisi.
«Keshe Memleket basshysy eldegi tótenshe jaǵdaı ahýalyna baılanysty málimdeme jasap, memleket qabyldaıtyn azamattardy qoldaýǵa baǵyttalǵan jańa sharalar toptamasyn jarııa etti. Basty taqyryptardyń biri eń tómengi jalaqy mólsherinde (42 500 teńge) jańa áleýmettik tólem alý máselesi boldy. Bul shara tótenshe jaǵdaı kezinde kirisinen aıyrylǵan adamdarǵa qoldaý úshin kórsetiledi. Tólem alý úshin ótinim berýdiń rettik tetigi týraly aqparatpen bóliskim keledi», - dep jazdy Aıda Balaeva Facebook paraqshasynda.
Sonymen memleketten kómek alýǵa quqyǵy bar azamattardyń ótinim men tizim berýi úshin is-áreketinń tolyq algorıtmimen myna silteme arqyly ótip tanys bola alasyzdar.
Aıta keteıik, keshe Prezıdent Qasym-Jomart Toqaev respýblıkalyq telearnalar efırinen málimdeme jasaǵan bolatyn.
