Aıda Ahmetova Rozarıo Marchıano atyndaǵy pıanısterdiń IV baıqaýynda ekinshi oryn aldy

Bul týraly búgin «Kazahstanskaıa pravda»gazeti «Venskıı ýspeh Aıdy» maqalasynda jazdy.

Baıqaý Vena qalasynda ótti. Bul baıqaýǵa qatysý árbir mýzykanttyń armany. Aıda áıgili Mozarthaus-ta (Motsarttyń úıi) bolyp qaıtty, Venalyq konservatorııanyń zalynda oınady. Shyǵarmashylyq saıysqa Eýropa, Lıtva, Reseı, Ýkraına, Ońtústik Koreıa men Japonııanyń pıanısteri qatysty.

Aıdanyń oryndaýyndaǵy Bah, Bethoven, Rahmanın, Shýbert, Lısti jáne Şedrınniń týyndylaryn halyqaralyq qazylar alqasy eń úzdikterdiń biri dep tanydy, olar baıqaýǵa qatysýshy otandasymyzdyń sheberligin jáne qazaqstandyq fortepıano mektebiniń joǵary deńgeıin atap ótti.

Aıda óziniń ustazdary - Vıacheslav Ýzbekov (ózi oqı bastaǵan Qazaq ulttyq óner ýnıversıteti) pen qazirgi ýaqytta Kúlásh Baıseıitova atyndaǵy Daryndy balalarǵa arnalǵan respýblıkalyq mamandandyrylǵan mýzykalyq mektep-ınternatta ózin oqytatyn Erlan Masurov jaıly erekshe atap ótip, olarǵa alǵysyn bildirdi.