AIBA tarapynan ylǵı qysym kórip keldik - Serik Qonaqbaev
«Men eń birinshi kezekte bizdiń respýblıkanyń boks federatsııasyna alǵysymdy aıtqym keledi. AІVA basshylyǵyna usyný boıynsha belsendi túrde qoldaý kórsetken Tımýr Asqarulyna (Qulybaev) rahmet. Belsendi túrde nasıhat júrgize alarlyqtaı ýaqyt shekteýli boldy. Biraq, biz 48 daýys jınadyq. Meniń oıymsha, bul bizdiń memleket úshin jaqsy kórsetkish. Bul tuńǵysh tarıhı tájirıbe desek te bolady», - dedi Serik Qonaqbaev Astanada ótken QBF otyrysynda.
Serik Qonaqbaev óz sózinde Halyqaralyq Olımpıada komıteti bokstan barlyq saıystardy HOK atynan ótkizýge shekteý qoıylǵanyn atap ótti.
«Búgin komıssııa quryldy. Tergeý júrgiziletin bolady. Meniń áriptesterim, saıystardyń kúntizbesi (kelesi jyly HOK atynan ótetin - avt.) týraly aıtqan kezde ázirge bári de tumandy bolyp tur. Meniń oıymsha, Tımýr Asqaruly Tomas Bahpen (HOK basshysy) kezdesip, jaǵdaıdy aıqyndaýy kerek. Biraq, biz ary qaraı kúrese beremiz», - dedi Serik Qonaqbaev.
Ol óz sózinde qanshama qıyndyqtar bolsa da, shydas berý kerektigin aıtty.
«Ókinishke qaraı, biz AIBA tarapynan ylǵı qysym kórip keldik. Azııa oıyndarynda Qazaqstannan birde-bir tóreshi bolmady. Jumys bizge qarsy júrgizildi. Kongres aldynda jaǵdaı ótkir bola tústi. Biraq, biz bunyń bárin «jutyp qoıdyq ta», es jıyp qaıta kúrestik. Ókinishke qaraı, ákimshilik resýrs biz jaqta emes edi. Biraq, bunyń bári de biz úshin zor tájirıbe boldy. Keleshekke degen jospar myǵym. Jeńiske jetýimiz kerek. Bizdiń boksshylar áli ádiletti qamqorlyqta ekenin sezinetin bolady. Eshkimdi sottatý oıymyzda joq. Bul bizdiń dástúr emes. Bizge shydas berip, jumys isteýge týra keledi», - dedi Serik Qonaqbaev.
Eske sala ketsek, Halyqaralyq boks qaýymdastyǵynyń (AIBA) prezıdenttigine Qazaqstan atynan saılaýǵa túsken Serik Qonaqbaev buǵan deıin ózine qoldaý bildirgen barlyq azamattarǵa alǵys aıtqan bolatyn. Daýys berý Máskeýde 3 qarasha kúni AIBA kongresinde ótip, Gafýr Rahımov 134 daýystyń 86-syn jınap, AIBA prezıdenti bolǵan edi.