AIBA Pro Boxing: Birjan Jaqypov brazılııalyq boksshydan basym tústi
ASTANA. QazAqparat - Áýesqoılar arasynda bokstan Álem chempıony Birjan Jaqypov AIBA Pro Boxing (APB) lıtsenzııalyq týrnırinde brazılııalyq boksshy Shagasý Valerıo Loýrensıden basym tústi.
Týrnırdiń ekinshi týrynda 49 keli salmaqta óner kórsetetin B. Jaqypov qarsylasy Shagasý Valerıo Loýrensıdi 59:55;60:54;60:54 esebimen tize búktirdi. Birinshi kezeńde qazaqstandyq boksshy qytaılyq bylǵary qolǵap sheberi Lıý Bınge ese jibergen bolatyn.
Aıta keteıik, AIBA Pro Boxing (APB) týrnırinde taǵy bir qazaqstandyq boksshy Іlııas Súleımenov (52 keli) qatysýda. Bunyń aldynda ol eki jekpe-jekti de óz paıdasyna sheshken bolatyn.
