AIBA prezıdenti Qazaqstanǵa keledi
BELGRAD. QazAqparat - Bokstan Belgradta ótken álem chempıonaty aıasynda Qazaqstan boks federatsııasynyń prezıdenti Keńes Raqyshev AIBA prezıdenti Ýmar Kremlevpen kezdesti, dep habarlaıdy QazAqparat atalmysh federatsııanyń resmı saıtyna silteme jasap.
Kezdesý dostyq peıilde órbidi. Áńgime barysynda qos tarap basshylary qazaqstandyq jáne álemdik bokstyń damýy jóninde pikir almasty. Kelisimder nátıjesinde AIBA Prezıdenti Ýmar Nazaruly Qazaqstanǵa arnaıy kelýge kelisti. Qurmetti qonaqtyń kelýi aǵymdaǵy jyldyń qarasha aıynda dep kútilýde.
Aıta ketsek, bokstan Qazaqstan ulttyq quramasy Belgradta ótken Álem chempıonatynda 5 medal enshiledi.
Temirtas Júsipov pen Sáken Bıbosynov jeńimpaz atansa, Mahmýd Sabyrhan men Serik Temirjan kúmis oljalady. Al qurama kapıtany Abylaıhan Júsipov qola júldege ıe boldy. Qazaqstan quramasy jalpy komandalyq esepte ekinshi orynǵa taban tiredi.
