AIBA prezıdenti: Qazaqstandyq boks federatsııasy úzdik álem chempıonatyn ótkizdi
ASTANA. QazAqparat - 19 jáne 27 mamyr aralyǵynda ótken áıelder arasyndaǵy bokstan álem chempıonatynyń jaqsy jaǵy Astanadaǵy Barys Arena men tamasha elorda boldy. Bul dodada álem chempıondarymen qatar jańa daryndy sportshylardy kórdik. Olar 15 jyldaǵy eń myqty álem birinshiligin kórsetti, dep habarlady AIBA kommýnıkatsııalar boıynsha bóliminen.
Jarystyń segiz kúninde 10 álem chempıony qoshemetke bólendi. Sarapqa álem chempıony ataǵymen qatar Rıo oıyndaryna joldamalar qoıyldy.
«Áıelder arasyndaǵy bokstyń damyp kele jatqanyna osy chempıonatta taǵy kóz jetkizdik. 15 jyldyq tarıhta qazaqstandyq boks federatsııasy úzdik álem chempıonatyn ótkizgeni sózsiz», - dedi AIBA prezıdenti doktor Chıng-Kýo Vý jabylý saltanatynan keıin.
27 mamyrda fınalda 13 eldiń ókili baq synasty. 4 altynǵa ıe bolǵan Qazaqstan jalpykomandalyq esepte birinshi orynǵa ıe boldy. Odan keıingi oryndarǵa eki altyn oljalaǵan Qytaı, 1 altynnan enshilegen Frantsııa, Ulybrıtanııa, Italııa jáne AQSh jaıǵasty.
