AIBA-nyń 2020 jylǵy kongresi jeltoqsanda onlaın ótedi

NUR-SULTAN. QazAqparat - Halyqaralyq boks qaýymdastyǵynyń (AIBA) kezekti otyrysy 2020 jyldyń 12-13 jeltoqsan kúnderi onlaın formatta ótedi, dep habarlaıdy QazAqparat Qazaqstannyń boks federatsııasynyń saıtyna silteme jasap.

Mundaı sheshimdi kezekten tys vıdeokonferentsııada uıymnyń atqarýshy komıteti qabyldady. Bul týraly halyqaralyq uıymnyń baspasóz qyzmeti resmı málimdeme jasady.

AIBA prezıdentiniń mindetin atqarýshy Muhammed Muhtahsan barlyq ulttyq federatsııalarǵa aldyn-ala hat jazyp, aldaǵy kongrestiń formaty týraly pikir bildirýin suraǵan. Kóptegen ókil kongrestiń vırtýaldy ótetinin qoldap, qazirgi pandemııa jaǵdaıyndaǵy eń jaqsy sheshim dep kelisim bildirgen.

«Búgin biz kezekti kongresti is júzinde ótkizýge sheshim qabyldadyq. Biz LUMI-di tehnıkalyq daýys berý júıesi retinde paıdalanýǵa sheshim qabyldadyq. Bul júıeni birneshe halyqaralyq federatsııalar, onyń ishinde HOK pen ASOIF qoldanǵan «, - dedi Mustahsan atqarý komıtetiniń múshelerine.

«Bul sheshim qazirgi jaǵdaıda eń durys sheshim ekenine senimdimin. Biz osy kongresti oıdaǵydaı ótkizý úshin áriptesterimizdiń eń jaqsy tájirıbelerin qoldanamyz», - dedi ol.