AIBA men Allisports ózara túsinistik týraly memorandýmǵa qol qoımaq
ASTANA. QazAqparat - Shveıtsarııadaǵy Lozanna qalasynyń Olımpıadalyq murajaıynda Áýesqoı boks Halyqaralyq federatsııasy (AIBA) men Alibaba Sports Group (Allisports) arasynda Ózara túsinistik týraly memorandýmǵa qol qoıý qarsańynda resmı kezdesý bolyp ótti. Bul týraly AIBA-nyń baspasóz qyzmetinen habarlady.
«Josparlanyp otyrǵan Memorandýmǵa qol qoıý aıasyndaǵy yntymaqtastyq boksty qalyń jurtshylyq arasynda odan ári áıgilendirý úshin jaqsy múmkindikter usynyp, sporttyń bul túrimen aınalysatyndar sanynyń ósýine septigin tıgizedi. Sońǵy jyldary kóptegen mamandar bokstyń óziniń kórinisi men tartymdylyǵyn joǵaltqanyn atap ótken. Jáne bul rette AIBA basshylyǵynyń, sonyń ishinde onyń prezıdenti, doktor Chıng-Kýo Výdyń bizdiń qyzmetimizge onlaın jáne mobıldik kommertsııanyń aldyńǵy qatarly tájirıbesi bar jetekshi álemdik kompanııany tartý boıynsha ótkizip jatqan jumysyn atap ótý kerek. Bul ózara tıimdi yntymaqtastyq bolady dep oılaımyn», - dep atap ótti AIBA vıtse-prezıdenti, Azııalyq boks konfederatsııasynyń (ASBC) prezıdenti Serik Qonaqbaev.
