AIBA: Eleýsinov pen Dychko kósh basynda tur
ASTANA. QazAqparat - AIBA boksshylardyń jańa reıtıngin jarııalady, dep habarlady www.24kz.
46-49 keli:
Qazaqstannyń birinshi nómirli boksshysy Birjan Jaqyp bul tizimde 500 upaımen 14-orynda ornalasqan.
52 keli:
Bul salmaqtaǵy qazaqstandyq boksshy Oljas Sáttibaev - toǵyzynshy orynda (850 upaı).
56 keli:
Qaırat Erálıev bolsa 740 upaımen 12-satyǵa jaıǵasqan.
60 keli:
Qazaqstandyqtar arasynda bul salmaqtaǵy úzdik nátıje 400 upaımen 18-orynda turǵan Zákir Safıýllınge tıesili.
64 keli:
Aqpan aıynyń úzdik 69 boksshysynyń tiziminde qazaqstandyq birde-bir bylǵary qolǵap sheberi joq.
69 keli:
Bul salmaqty qazaqstandyq Danııar Eleýsinov kósh bastap tur. Onyń jınaǵan upaıy - 2000.
75 keli:
Jánibek Álimhanuly úzdik 73 boksshynyń ishinde 1250 upaımen 4-orynda tur. Ol byltyr birinshi orynda bolǵan.
81 keli:
London Olımpıadasynyń kúmis júldegeri Ádilbek Nııazymbetov ekinshi orynda tur - 1550.
91 keli:
Qazaqstandyqtar Vasılıı Levıt 900 upaımen - 6-shy, Anton Pınchýk 700 upaımen 8-orynǵa ornalasqan.
+91 keli:
Asa aýyr salmaqty Ivan Dychko kósh bastap tur. Onyń jalpy upaıy - 1640, dep jazady alaman.kz.
