AI SANA Generative Nation ulttyq baıqaýynyń jeńimpazdary anyqtaldy

ASTANA. KAZINFORM – Astana Hub alańynda ótken ulttyq AI SANA Generative Nation baıqaýynyń aqtyq kezeńine elimizdiń túkpir-túkpirinen 335 ótinim tústi, dep habarlaıdy Jasandy ıntellekt jáne tsıfrlyq damý mınıstrligi.

Іrikteý qorytyndysy boıynsha 20 komanda fınalǵa shyqty.

Fınalıster medıtsına, bilim, ekologııa, ónerkásip jáne sport salalaryna arnalǵan AI-jobalaryn usyndy. Jeńimpazdar:

• Best School AI Project – Úmit (múmkindigi shekteýli adamdarǵa arnalǵan qurylǵy);

• Best Student AI Project – Beelieve (smart-omarta júıesi);

• Best Startup AI Project – TrustExam (onlaın emtıhan ádildigin baqylaıtyn platforma);

• Best Science AI Project – Mirai Tech (qımyldy taldaıtyn sensorlyq AI-platforma).

Júlde qory da qomaqty boldy. Mektep oqýshylaryna noýtbýk pen bilim granttary, stýdentterge – 5 mln teńge, startapqa – 7 mln teńge, ǵylymı jobaǵa – 10 mln teńge jáne Digital Bridge 2025 alańynda jobalaryn tanystyrý múmkindigi berildi. Barlyq jeńimpazdar Astana Hub kovorkıngin alty aı paıdalana alady.

Qazylar alqasyna memlekettik organdar, bıznes jáne halyqaralyq kompanııa ókilderi kirdi. Baıqaýdyń mentorlary qatarynda QR Úkimeti músheleri men IT-sarapshylar bar.

Astana Hub bas dırektory Maǵjan Madıevtiń aıtýynsha, konkýrsqa túsken júzdegen ótinim qazaqstandyq jastardyń AI salasyna degen joǵary qyzyǵýshylyǵyn kórsetti.

Aıta keteıik, EUÝ-de otandyq AI jobalar tanystyrylǵany týraly da jazǵan bolatynbyz.